Ũhoro wa Ibuku Rĩĩrĩ
Ibuku rĩa Timotheo wa Mbere nĩ rĩmwe rĩa mabuku matatũ makoniĩ mũtongorerie wa kanitha. Mabuku macio mangĩ nĩ Timotheo wa Keerĩ na Tito. Paũlũ aandĩkire marũa maya kũrĩ andũ arĩa maarĩ mathiĩ na mbere na wĩra wa kanitha ũrĩa warĩ Efeso. Kanitha ũyũ wa Efeso nĩwabataire gũtaarwo maũndũ-inĩ makoniĩ mũhoere na ũrutani ũrĩa wagĩrĩire.
Timotheo nĩmarutithanĩtie wĩra na Paũlũ (Arom 16:21; 1Akor 16:10; Afil 2:19), na aarĩ mwana wake wĩtĩkio-inĩ (1:2). Timotheo aarĩ mũruti wĩra mwĩhokeku, na Paũlũ nĩamũgwetete maita matano marũa-inĩ make.
Paũlũ aandĩkire marũa maya nĩguo ataare Timotheo ũhoro ũkoniĩ morutani marĩa magĩrĩire nĩguo kanitha ũgaacĩre na ũthiĩ na mbere. Ningĩ Paũlũ nĩandĩkire nĩguo omĩrĩrie Timotheo ndakanogio nĩ mũtũũrĩre wa Ũkristiano, no atũũre mũtũũrĩre wa kũgoocithia Ngai.
Marũa maya nĩmonanĩtie atĩ Paũlũ nĩarĩ na mũrigo nĩ ũndũ wa kanitha. Ũndũ ũcio nĩwatũmire ataare Timotheo ũrĩa aruti wĩra wa kanitha mabataire kwamũrwo (3:1-13).
Mwandĩki
Ibuku rĩĩrĩ rĩandĩkirwo nĩ Mũtũmwo Paũlũ.
Ũrĩa Ibuku Rĩĩrĩ Rĩgayanĩtio
· Kũmenyithio ũhoro wa ũrutani wa maheeni
1:1-20
· Ũrutani ũkoniĩ mahooya
2:1-15
· Maũndũ makoniĩ kwamũrwo kwa arori na athuuri a Kanitha
3:1-16
· Mathaithana, na ũtungata
4:1–5:25
· Ũtungata wa Ũkristiano, na ũtaaro kũrĩ Timotheo
6:1-21
.