Ũhoro wa Ibuku Rĩĩrĩ
Marũa maya ma Gatatũ ma Johana maandĩkĩirwo Gayo, mũndũ warũmĩtie ũrutani wa Mũtũmwo Johana. Gayo nĩanyiitaga andũ arĩa maahunjagia Ũhoro-ũrĩa-Mwega ũgeni gwake mũciĩ. Ndaahaanaga Diotirefe ũrĩa waregaga kũnyiita ariũ na aarĩ a ithe witũ ũgeni, na arĩa meekaga ũguo akamaingata kanitha.
Marũa maya nĩmonanĩtie atĩ mwĩtĩĩo no ũtũme Akristiano magayũkane mangĩaga gũikara ta ũrĩa kiugo kĩa Ngai kiugĩte.
Mwandĩki
Ibuku rĩĩrĩ rĩandĩkirwo nĩ Mũtũmwo Johana.
Ũrĩa Ibuku Rĩĩrĩ Rĩgayanĩtio
· Kwĩmenyithania
1-4
· Gũtugana kwa Akristiano
5-8
· Wĩra mũũru wa Diotirefe
9-11
· Wĩra mwega wa Demeterio
12
· Ciugo cia kũrĩkĩrĩria
13-14