Ũhoro wa Ibuku Rĩĩrĩ
Paũlũ aandĩkire marũa maya arĩ njeera (1:7) agĩcookeria andũ a kanitha wa Filipi ngaatho nĩ ũndũ wa ũrĩa maagwatanĩire nake ũhoro-inĩ wa kũmũteithia na iheo ciao o ũndũ ũmwe na mahooya mao (1:5; 4:10-19). Itũũra rĩa Filipi nĩrĩo itũũra rĩa mbere rĩrĩa Paũlũ aahunjirie bũrũri wa Makedonia (Atũm 16) na akĩambĩrĩria kanitha kuo.
Paũlũ nĩerire Akristiano a kanitha ũyũ atĩ nĩerutĩte kũiganĩra maũndũ-inĩ mothe, na akĩmeera ũrĩa maũndũ maahaanaga kũu njeera. Nĩameerire atĩ we aarĩ na gĩkeno nĩ ũndũ wa ũrĩa andũ aingĩ maiguaga ũhoro wa Kristũ, o na gũtuĩka amwe maahunjagia marĩ na ngoro njũru.
Wendo wa Paũlũ warĩ atĩ Akristiano maikare marĩ kĩndũ kĩmwe. Nĩamaririkanirie atĩ nĩmagĩrĩirwo nĩ kũgĩa na mwĩciirĩrie o ta ũrĩa warĩ na Kristũ (2:6, 7).
Mwandĩki
Ibuku rĩĩrĩ rĩandĩkirwo nĩ Mũtũmwo Paũlũ.
Ũrĩa Ibuku Rĩĩrĩ Rĩgayanĩtio
· Paũlũ na mathĩĩna kũu Roma
1:1-3
· Kĩonereria kĩa wĩnyiihia wa Kristũ
2:1-30
· Gũtaarwo na kũringĩrĩrio mũtũũrĩre wa Ũkristiano
3:1-21
· Thayũ wa Ngai na maũndũ marĩa Ngai aheaga andũ arĩa metĩkĩtie
4:1-23
.