Ũhoro wa Ibuku Rĩĩrĩ
Paũlũ aandĩkire marũa maya kũrĩ makanitha marĩa maarĩ bũrũri wa Galatia. Paũlũ nĩagwetire maũndũ meerĩ kũrĩ makanitha marĩa aandĩkagĩra marũa maya. Ũndũ wa mbere nĩ atĩ we aarĩ mũtũmwo wa ma, na wa keerĩ nĩ atĩ ndũmĩrĩri ĩrĩa aahunjagia yoimĩte kũrĩ Ngai (1:1-10).
Maũndũ maya meerĩ maarĩ ma bata mũno tondũ andũ amwe moigaga atĩ Paũlũ aarĩ mũtũmwo wa maheeni, na ndũmĩrĩri ĩrĩa aahunjagia ndĩarĩ ya ma. Paũlũ nĩerire andũ acio atĩ we aarĩ mũtũmwo wa ma, na ũtungata wake kũrĩ andũ-a-Ndũrĩrĩ woimĩte kũrĩ Ngai. Atũmwo a Jerusalemu nĩmamwamũkĩrire makĩonania atĩ maarĩ ngwatanĩro nake.
Ningĩ Paũlũ nĩerire Petero atĩ nĩahĩtĩtie nĩ ũndũ wa gũtiga kũrĩĩanĩra na andũ-a-Ndũrĩrĩ nĩ ũndũ wa gwĩtigĩra Ayahudi arĩa moimĩte Jerusalemu (2:1-18).
Paũlũ nĩameerire atĩ mũndũ ahonokaga nĩ ũndũ wa gwĩtĩkia, tondũ o na Iburahĩmu aamũkĩrire kĩĩranĩro kĩa Ngai na ũndũ wa gwĩtĩkia (3:26-29).
Mwandĩki
Ibuku rĩĩrĩ rĩandĩkirwo nĩ Mũtũmwo Paũlũ.
Ũrĩa Ibuku Rĩĩrĩ Rĩgayanĩtio
· Paũlũ kũrũĩrĩra Ũhoro-ũrĩa-Mwega
1:1–2:21
· Kuohorwo kuuma harĩ kĩrumi kĩa watho
3:1-24
· Wathani wa ũhoro mwega igũrũ rĩa watho
3:25–4:31
· Kuohorwo kwa Mũkristiano
5:1-26
· Ũtaaro harĩ mwĩtĩkia
6:1-18
.