Ũhoro wa Ibuku Rĩĩrĩ
Amosi ndaarĩ mũnabii, no Ngai aamwĩtire kuuma wĩra-inĩ wake wa kũrĩithia nĩguo athiĩ akarathĩre andũ ake (7:14). Amosi oimĩte itũũra rĩa Tekoa, bũrũri-inĩ wa Juda, no Ngai akĩmwĩta athiĩ akarathĩre Ũthamaki wa Gathigathini, nĩguo bũrũri wa Isiraeli.
Amosi aambĩrĩirie na kuonia mabũrũri marĩa maarĩ hakuhĩ na Isiraeli mahĩtia mao, agĩcooka agĩcookerera Isiraeli, na makĩria andũ arĩa maarĩ itonga, nĩ ũndũ wa mĩikarĩre yao. Andũ acio maarĩ na ũhoti mũingĩ, no maũhũthagĩra gũtunya athĩĩni indo ciao na makamatua ngombo. O na gũtuĩka andũ aingĩ nĩmahooyaga ngai cia mĩhianano, nĩmehokaga atĩ Ngai nĩekũmarathima. No Amosi nĩakaanirie andũ acio, na akĩmeera mangĩaga kũgarũrũka, Ngai nĩakamaherithia (5:15).
Mwandĩki
Ibuku rĩrĩ rĩandĩkirwo nĩ Amosi.
Ũrĩa Ibuku Rĩĩrĩ Rĩgayanĩtio
· Ituĩro rĩa andũ arĩa maariganĩtie na Isiraeli
1:1–2:5
· Ituĩro rĩa Isiraeli
2:6-16
· Mehia ma Isiraeli
3:1–6:14
· Cioneki ithano
7:1–9:10
· Gũcookio gwa Isiraeli
9:11-15
.