Ũhoro wa Ibuku Rĩĩrĩ
Gĩcunjĩ kĩa mbere kĩa Ezara (1–6) kĩambĩrĩirie na ndũmĩrĩri ya Mũthamaki Kurusu ũrĩa wetĩkĩririe Ayahudi macooke bũrũri wao magaake hekarũ ya Jehova rĩngĩ. No andũ arĩa maikaraga hakuhĩ nao nĩmamathĩĩnĩrie mũno, o nginya wĩra wa gwaka hekarũ ũkĩamba kũrũgama. Mwako wa hekarũ nĩwacookire ũkĩrĩka mwaka-ini wa 516 mbere ya gũciarwo gwa Kristũ.
Gĩcunjĩ gĩa keerĩ (7–10) kĩambĩrĩirie na kũheana ũhoro wa ũrĩa Ezara aakinyire Jerusalemu, na ũrĩa aambĩrĩirie kũruta andũ a Juda ũhoro wa watho wa Ngai. Ezara nĩamakire nĩkuona andũ makĩĩhia o ta ũrĩa andũ-a-Ndũrĩrĩ mehagia. Ũndũ ũcio nĩwatũmire Ezara ahooe Ngai na eerire mehia ma andũ a Isiraeli. Andũ nĩmetĩkĩrire kwambĩrĩria gwathĩkĩra watho wa Ngai. Ũhoro ũcio ũngĩ wa Ezara ũheanĩtwo ibuku-inĩ rĩa Nehemia.
Mwandĩki
Mwandĩki wa ibuku rĩĩrĩ nĩ Ezara.
Ũrĩa Ibuku Rĩĩrĩ Rĩgayanĩtio
· Gĩkundi kĩa mbere kuuma Babuloni gũcooka Juda
1:1–2:70
· Gwakwo kwa hekarũ
3:1–6:22
· Gũcooka gwa gĩkundi gĩa keerĩ hamwe na Ezara, na ũtungata wake
7:1–10:44
.