Ũhoro wa Ibuku Rĩĩrĩ
Hosea aarĩ mũnabii mĩaka-inĩ ya mũthia ya Ũthamaki wa Gathigathini. Ibuku rĩĩrĩ rĩambĩrĩirie na kũheana ũhoro wa nyũmba ya Hosea ĩrĩa yatuĩkire mũhano wa ndũmĩrĩri ĩrĩa aahunjagĩria bũrũri wake. Ngai nĩerire Hosea ahikie mũtumia mũmaraya arĩ njĩra ya kuonania ũrĩa andũ a Isiraeli mataarĩ ehokeku. Ningĩ Ngai akĩĩra Hosea marĩĩtwa marĩa agaatua ciana ciake, ũrĩ ũndũ wa kũririkania andũ a Isiraeli atĩ nĩ maarĩ maherithio.
Ngai nĩerire Hosea ende mũtumia wake o na gũtuĩka ndaarĩ mwĩhokeku. Ũndũ ũcio warĩ wa kuonania wendo wa Ngai kũrĩ andũ a Isiraeli acio mataarĩ ehokeku. Andũ a Isiraeli nĩmehokete hinya wa mbũtũ ciao cia ita, o na makehoka mabũrũri mangĩ handũ ha kwĩhoka Ngai nĩguo agitĩre bũrũri wao. Andũ acio nĩmehokaga atĩ ngai cia mĩhianano nĩingĩamaheire imera, na imaingĩhĩrie ndũũru na mahiũ mao.
Ibuku rĩĩrĩ rĩheanĩte ũhoro wa ũrĩa Ngai aaciirithirie andũ a Isiraeli na a Juda tondũ wa gũthũkia kĩrĩkanĩro kĩrĩa aarĩkanĩire nao. O na gũtuĩka andũ a Isiraeli nĩmekĩte Ngai maũndũ mooru, Ngai no aamendete na akameera atĩ nĩakamarekera na amarathime mangĩgatuĩka ehokeku (14:4).
Mwandĩki
Mwandĩki wa ibuku rĩĩrĩ nĩ Hosea mũrũ wa Beeri.
Ũrĩa Ibuku Rĩĩrĩ Rĩgayanĩtio
· Mũtũũrĩre wa Hosea na mũciĩ wake
1:1–3:5
· Ũhoro wa mehia ma Isiraeli
4:1–6:3
· Iherithia nĩ ũndũ wa Isiraeli
6:4–10:15
· Ituĩro rĩa Ngai na tha ciake
11:1–14:9
.