Ũhoro wa Ibuku Rĩĩrĩ
Mũnabii Joeli nĩeyoneire mĩrumbĩ ya ngigĩ igĩtharĩkĩra bũrũri wa Isiraeli na ĩgĩthũkangia irio ciothe. Ngai aatũmĩte mĩrumbĩ ĩyo ya ngigĩ ĩrĩ iherithia kũrĩ andũ a Isiraeli nĩ ũndũ wa mehia mao. Ngigĩ ciarĩ mũhano wa mbũtũ ya ita ĩrĩa yarĩ ĩtharĩkĩre andũ a Isiraeli. No Ngai nĩerĩte andũ acio atĩ mangĩagarũrũkire na mamũcookerere, nĩangĩamarekeire na amarathime.
Joeli nĩerire andũ atĩ mũthenya wa Ngai wa ituĩro warĩ hakuhĩ gũkinya, no mũthenya ũcio ũtanakinya-rĩ, Ngai aarĩ atũme Roho wake nĩguo arehe kĩrathimo (2:28-32). Ũhoro ũcio wahingire mũthenya wa Bendegothito (Atũm 2:16). Mũthenya wa ituĩro Ngai nĩagatuĩra Ndũrĩrĩ nĩ ũndũ wa ũrĩa ciekire andũ ake, na iria igaakorwo ihĩtĩtie nĩikaherithio (3:14-16).
Mwandĩki
Ibuku rĩĩrĩ rĩandĩkirwo nĩ Joeli mũrũ wa Pethueli.
Ũrĩa Ibuku Rĩĩrĩ Rĩgayanĩtio
· Mũthiro wa ngigĩ
1:1-12
· Maciaro ma kwĩrira
1:13–2:27
· Iheo cia Roho
2:28-32
· Thũ cia Ngai gũtuĩrwo
3:1-21
.