Ũhoro wa Ibuku Rĩĩrĩ
Ibuku rĩa Jona rĩrĩ ũtiganu na mabuku marĩa mangĩ mandĩkĩtwo nĩ anabii, tondũ rĩheanĩte ũhoro ũrĩa Jona aahunjirie na mũhari ũmwe tu (3:4). Ibuku rĩĩrĩ rĩheanĩte ũhoro wa ũrĩa Jona aaremeire Ngai na ũndũ wa kũrega gũthiĩ itũũra rĩa Nineve kwĩra andũ a rĩo atĩ itũũra rĩu nĩrĩkũniinwo. Jona nĩendaga itũũra rĩu rĩniinwo tondũ andũ a bũrũri wa Ashuri maarĩ thũ nene cia andũ a Isiraeli.
Mũthia-inĩ Jona nĩetĩkĩrire gũthiĩ Nineve, o na gũtuĩka ũndũ ũcio ndaawĩkire na ngoro theru. Ndũmĩrĩri ĩrĩa aahunjĩirie andũ a Nineve nĩyatũmire merire, nake Ngai akĩaga kũniina itũũra rĩao. Ũrutani mũnene wa ibuku rĩĩrĩ nĩ atĩ Ngai nĩendaga kũiguĩra andũ tha, o na kũhonokia thũ cia andũ ake (4:2b).
Mwandĩki
Ibuku rĩrĩ rĩĩciiragĩrio rĩandĩkirwo nĩ Jona.
Ũrĩa Ibuku Rĩĩrĩ Rĩgayanĩtio
· Jona kũũrĩra Ngai
1:1-17
· Ihooya rĩa Jona na kũhonokio gwake
2:1-10
· Jona gũthiĩ Nineve
3:1-10
· Jona kũrakarĩra Ngai nĩ ũndũ wa tha ciake
4:1-11
.