Ũhoro wa Ibuku Rĩĩrĩ
Ibuku rĩa Malaki rĩandĩkirwo thuutha wa hekarũ gwakwo rĩngĩ. Athĩnjĩri-Ngai nĩmambĩrĩirie kũrutĩra Ngai magongona marĩa maareehagwo nĩ andũ. No mahinda macio maarĩ maritũ mũno, na andũ nĩmateete mwĩhoko wa kwambĩrĩria mũtũũrĩre mwerũ bũrũri-inĩ wa Juda.
Andũ hamwe na athĩnjĩri-Ngai nĩmatigĩte kũhe Ngai gĩtĩĩo kĩrĩa kĩamwagĩrĩire, o na makaaga gũtĩĩa hekarũ. Nĩmambĩrĩirie kũrutaga magongona marĩa mataagĩrĩire, o na makaaga gwathĩkĩra watho wa Ngai. Nĩmahinyagĩrĩria athĩĩni, na athuuri makaingata atumia ao.
Malaki nĩaringĩrĩirie andũ, na makĩria athĩnjĩri-Ngai, matuĩke ehokeku kũrĩ kĩrĩkanĩro kĩrĩa maarĩ nakĩo na Ngai, na akĩmeera matĩĩage Ngai na ũndũ wa kũmũrutagĩra magongona marĩa magĩrĩire. O na ningĩ nĩameerire marutage gĩcunjĩ gĩa ikũmi kĩa magetha mao.
Mwandĩki
Ibuku rĩĩrĩ rĩandĩkirwo nĩ Malaki.
Ũrĩa Ibuku Rĩĩrĩ Rĩgayanĩtio
· Wendo wa Ngai, na gũconorithio kwa andũ a Isiraeli
1:1–2:9
· Mehia ma andũ a Isiraeli gũũkĩrĩrwo
2:10-17
· Kũrathwo kabere gwa ituĩro rĩa ciira rĩrĩa rĩgooka
3:1-6
· Gĩcunjĩ gĩa ikũmi kwaga kũrutwo
3:7-18
· Gũũka gwa Kristũ kũgwetwo kabere
4:1-6
.