Ũhoro wa Ibuku Rĩĩrĩ
Johana aandĩkire marũa maya kuonania atĩ Jesũ Kristũ aaciarirwo arĩ na mwĩrĩ. Marũa maya maarĩ ma kweheria nganja kũrĩ Akristiano arĩa maiguĩte arutani a maheeni arĩa makaanaga atĩ Kristũ ndokire na mwĩrĩ.
Gĩthimi kĩa ma kĩa wĩtĩkio nĩ mũndũ kwendaga mũndũ ũrĩa ũngĩ (3:11-24). Ngai nĩ wendo, na andũ ake no nginya mendanage. Ningĩ no nginya twĩtĩkie atĩ Jesũ, Mũrũ wa Ngai, nĩwe Kristũ, na atĩ ũrĩa ũmwĩtĩkĩtie nĩwe wĩ na muoyo wa tene na tene (5:1-12).
Mwandĩki
Ibuku rĩĩrĩ rĩandĩkirwo nĩ Mũtũmwo Johana.
Ũrĩa Ibuku Rĩĩrĩ Rĩgayanĩtio
· Ngwatanĩro ya etĩkia na Ngai
1:1-10
· Rĩathani rĩerũ rĩa kwendana
2:1-17
· Ũtaarani wĩgiĩ Mũmena-Kristũ, na ũhoro wa waganu
2:18-29
· Mũtugo mwega wa Mũkristiano
3:1-24
· Arutani a maheeni
4:1-6
· Wendani wa Ngai
4:7-21
· Ũhootani wa wĩtĩkio
5:1-21
.